/291/ neque perveniet ad actum, ut nullus aliquando
peccet homo. Scriptum est nam: «Septies in die
cadit iustus». Igitur possibile non est ut nullus
homo peccet. Erit ergo necessarium.
Tertio: Posse peccare inest homini ex Natura,
ergo et actus peccandi ex Natura est,
quia potentia et actus sunt eiusdem ordinis,
sed quod est secundum Naturam, necessarium
est aliquando esse. Ergo necessarium
est esse aliquando peccata.
Quarto et eodem fere probatur argumento:
Posse hominem peccare est opus Naturae,
sed Natura nihil agit frustra, ergo necesse est
ut haec potentia exeat ad actum, ut homo
peccet.
Quinto: Ad ordinem pulchritudinemque
universi necessariae sunt praeclarae virtutes,
ergo et peccata necessaria sunt. Consequentia
probatur, quia, illae, absque istis, obtineri
non possunt. Tolle iniurias iniquorum, non
erit patientia iusti. Tolle saevitiam tyrannorum,
non erit gloria martyrum.
EXERCITATIO XLIV
Respondet adversatiorum rationi primae.
Cum in 13. exercitatione exactissime a
nobis probatum sit Deum peccatorum
Indice
|
Pagine introduttive |
|
EXERCITATIONES |